ليه الشيوخ بيحاربوا "الزنا" وسايبين التحرش؟!

أنهي الذنب الأخف عند ربنا في دول: التحرش ولا الزنا؟.. لو سألت أى مسلم متدين هيقولك التحرش! ده ليه؟ 

لإن مفهوم "التراضي" ملهوش أى وجود في كل الكلام الديني عن الجنس..

هو شايفها كدا: دي ست "متحلليش" كدا كدا.. فإني مجرد ألمسها (تحرش) أكيد أهون من اني أنام معاها (زنا).. بكيفها بقى ولا لأ دي مش بتاعتي. 

عشان كدا متستغربش استغراب مجانص من مصطلح #اغتصاب_الزوجة.. لإن المسألة بالنسبالهم مش الست يلزمها ولا ميلزمهاش، ولكن الست حلالي ولا لامؤاخذة لأ.

يعني اللي يشغل بالك يا عبد هو رضا ربنا من عدمه، أما الإنسان الفاني ده فيولع بجاز.. وشرع ربنا بيقول ان الزواج "عقد نكاح بمهر" بيتضمن "إباحة الوطء".. وان المهر ده هو "ما استحللتهم به الفروج".

يعني نكاح مدفوع الأجر والرخصة معايا.. يعني يا مرأة ملكيش غير تقولي: ما انت دافع بقى!

اتنشر 16 مايو 2021