ايه حد الزنا في الإسلام؟
– ١٠٠ جلدة
ومين يطبقه؟
– ولي الأمر
ايه الشروط؟
– ٤ شهود شافوا الممارسة "كما يدخل المرود في المكحلة"
ولو مجبتش الـ ٤ شهود؟
– يبقى ده "قذف محصنات" وحده ٨٠ جلدة على القاذف
طيب ايه عقوبة ممارسة الجنس خارج إطار الزواج في القانون المصري؟
– طالما الاتنين بالغين والموضوع تم بإرادتهم وبدون مقابل مادي يبقى مفيش عقوبة لان مفيش جريمة من الأصل..
***
ده الكلام على الورق، انما الواقع اهو: طبيبة شابة في دار السلام استضافت صديق في شقتها، فقام جيرانها حماة الفضيلة اقتحموا الشقة واعتدوا عليها ورموها من الدور السادس..
افتكر معايا ان ده نفس الشعب المتدين اللي كان بيطالب من يومين بالتستر على جريمة تحرش بطفلة في المعادي لان المتحرش مسلم حاج لبيت الله..
كل يوم بناخد غُطس جديد في بير خرا ملوش قرار.. والاسم مواطنين في دولة.. والاسم عندنا "قيم أسرة" خايفين عليها من الهدم.. والاسم مؤمنين بدين "سماوي"..
اتنشر 13 مارس 2021
0 تعليقات